PAXEL123

Ven teg at skriva á knappaborðinum og skriva orðini í spælinum. Undir myndini á borði 1 og 2 sært tú, hvussu orðið skal skrivast og fyrsti stavurin í hvørjum orði er skrivaður. à 3. borðinum sært tú einans fyrsta stavin í orðinum. Tá ið tú hevur skrivað orðið rætt, flytir myndin seg við síðuna av orðinum. Góða eydnu.

Vel gentuna ella drongin til at vera mús í spælinum. Finn lutir sum eru goymdir aftanfyri eitthvørt annað á myndini. Tú skalt fyrst finna 5 fjaldar lutir, so 4, so 3, so 2 og síðani 1 lut á spæliplátuni, so er spælið liðugt.

Finn allar møguleikarnar til tess at fáa úrslitið 6 og 10. Flyt kubbarnar í stóru rammuni.  Um kubbarnir skulu snarast, skal hetta gerast, áðrenn tú flytir teir. Góða eydnu.

Flyt leysu brikkarnar í tóma feltið, so tú gert eina mynd samsvarandi við myndina til høgru. Tá myndin er liðug hendir nakað gandakent og tú sært hvat tú hevur gjørt.

Hetta er terningaspæl, ið gevur tær visuel boð um, hvussu tú skalt skikka tær á alnetinum. Tú kanst velja ímillum at hava alnetið ella eitt vinfólk sum mótspælara.   Tú byrjar spælið við at ringla. Klikk á terningin á skíggjanum, flyt síðan spælaran so nógv sum terningurin vísir. Tá ið tú endar á einum teigi við eini teldu á, koma tvær myndir fram á skíggjan. Tann eina myndin boðar frá trygd á alnetinum, meðan hin sigur tær, hvat tú ikki skalt gera, tá ið tú ferðast á alnetinum. Klikk á aðra myndina! Um tú hevur valt røttu myndina, kanst tú ringla umaftur. Um tú hinvegin velur skeivu myndina, noyðist tú at bíða til tú aftur eigur tørn. Tann, ið er fyrstur á mál, hevur vunnið. Tað eru 12 ymisk visuel boð.

Herm eftir mynstrinum til vinstru við at flyta formin omanfyri á rætta staðið í tómu talvuni til høgru. Tað eru trý torleikastig; 7x6 teigar, 9x9 teigar og 11x11 teigar. Til tess at snara einum tríhyrningi, skalt tú klikkja á hann aftaná, at hann er komin á rætta staðið. Við at klikkja á knøttin ”ger mynstur” hevur tú møguleika at gera títt egna mynstur. Tú kanst skifta lit á forminum við at velja ynskta litin, áðrenn tú setur formin í tómu talvuna til vinstru. Á hendan hátt skifta allir formarnir lit. Tá mynstrið er liðugt, kanst tú, ella ein vinur, endurtaka tað í tí tómu talvuni til høgru og/ella prenta mynstrið út.

Ger eina spegilsmynd av mynstrinum sum kemur fram á skíggjanum. Um tú vilt snara einum formi skalt tú klikkja á tann, tú vilt snara.

Løtt: Finn rím við at seta orð/mynd saman við orð/mynd. Miðal: Finn rím við at seta orð/mynd saman við orðum. Torfør: Finn rím við at seta orð saman við orðum.