PAXEL123

Notaðu tölvumúsina til að draga orðin og setja þau fyrir neðan rétta mynd.

Létt: Ríma orð/mynd við orð/mynd Miðlungs: Ríma orð við orð/mynd Erfitt: Ríma orð við orð

Veldu stelpu eða strák sem verður músarbendillinn í leiknum. Veldu borð til að spila. Finndu hluti sem eru faldir á bak við eitt og annað með því að smella á hlutinn. Stelpan/strákurinn veifar höndunum þegar þú ert nálægt felustað. Á hverju borði þarf fyrst að finna 5 hluti, svo 4, svo 3, svo 2 og svo 1 og þá er leikurinn búinn.

Gerðu eins mynd í auða rammann með því að færa lausu formin þangað. Þegar þú hefur klárað myndina gerast töfrar og þú sérð hvað það var sem þú varst að búa til :-)

Finndu alla möguleikana til að fá útkomuna 6 eða 10 með því að raða saman kubbunum í stóra rammann. Ef þú þarft að snúa kubbum til að þeir passi í rammann áttu að gera það áður en þeir eru fluttir. Gangi þér vel.

Gulur, rauður, grænn og blár er borðspil og er hægt að spila einn eða tveir saman. Hver litur er ákveðinn flokkur og þarf að leysa þrautir tengdar þeim þegar lent er á mismunandi litum. Gulur er andheiti/samheiti, rauður er samsett orð, grænn er rím og blár er tölvulæsi og örugg netnotkun. Þegar hverri þraut lýkur líða nokkrar sekúndur áður en leikurinn heldur áfram svo hægt sé að skoða lausnina.

Þessi leikur spilar eins og kapall og gengur út á það að klára spilin sem snúa upp áður en hinn bunkinn klárast. Smellt er með tölvumúsinni á þá aðgerð sem verið er að framkvæma. Hægt að fara afturábak og áfram á meðan laust spil (sést allt spilið) passar við efsta spilið í bunkanum. Hægt er að setja 10 bæði á 9 og 1 og svo upp og niður skalann t.d. 10,1,2,1,10,9.8,9 o.s.frv.

Þessi leikur er í þremur erfiðleikastigum. Á auðveldasta borðinu á að þræða jafnmarga hluti upp á bandið með nálinni (músarbendlinum) og punktarnir segja til um (smellt með tölvumúsinni á það sem á að þræða). Plúsdæmi eru í milliborðinu og mínusdæmi í því erfiðasta. Þegar spilarinn telur sig vera kominn með rétta niðurstöðu er smellt á spuringarmerkið til að kanna hvort svarið er rétt. Ef svo er kemur upp blikkandi kóróna smástund og svo nýtt dæmi en ef það er rangt kemur grátandi sól. Þá er í boði að taka af bandinu með því að smella á ← eða bæta við eftir því sem þarf. Ef smellt er á ≡ er farið aftur í valmöguleikana á erfiðleikastigum.

Búðu til alls konar karla og kerlingar með því að nota formin sem eru í kringum auða rammann. Þú notar tölvumúsina til að draga formin á sinn stað. Það er líka hægt að nota formin til að gera t.d. hús, bíl, tré, lest, eitthvað fallegt mynstur eða annað sem þér dettur í hug. Þegar myndin er tilbúin geturðu litað hana í tölvunni eða prentað hana út og litað með litunum þínum.  Þú getur líka vistað myndina og geymt hana.

Þetta er teningaspil með myndrænum skilaboðum um hvernig best er að haga sér á internetinu. Hægt er að velja að spila við tölvuna eða að tveir spili saman. Teningnum er „kastað“ með því að smella á hann á skjánum og færist leikmaðurinn þá fram um jafnmarga reiti og teningurinn sýnir. Þegar lent er á spjaldi með mynd af tölvu birtast tvær myndir á skjánum. Önnur myndin sýnir örugga hegðun á netinu en sýnir hvað ber að varast. Myndunum fylgir texti með skilaboðum um örugga nethegðun. Smellt er á aðra hvora myndina og ef það er rétt mynd fær viðkomandi að kasta teningnum aftur. Sé hins vegar valin röng mynd þarf að bíða eina umferð. Sá vinnur sem er fyrstur á leiðarenda. Skilaboðin um örugga netnotkun er að finna á 12 mismunandi vegu.

Þessi leikur er gerður í samvinnu við sex fimm ára gömul börn í leikskólanum Nóaborg í Reykjvík og var hluti af þróunarverkefni leikskólans. Börnin teiknuðu karlana sem valdir eru í upphafi leiks. Í leiknum birtast 10 form af handahófi og þegar þau eru öll komin fram birtist form í miðjunni. Notaðu tölvumúsina til að smella á það form og þá fer karlinn sem þú valdir og sækir það. Þá birtist annað form sem þarf að sækja og svo koll af kolli þar til ekkert form er eftir í hringnum.

Æfðu þig á lyklaborðið með því að skrifa orðin í þessum leik. Þú sérð undir myndunum hvernig orðið er skrifað í borði 1 og 2 auk þess sem það er búið að skrifa fyrsta stafinn í hverju orði en í borði 3 sérðu bara fyrsta stafinn í orðinu. Þegar þú ert búin/n að skrifa orðið rétt færist myndin að orðinu. Gangi þér vel :-)

Búðu til spegilmynd af mynstrinu sem er á skjánum með því að nota tölvumúsina til að færa formin á réttan stað fyrir neðan svörtu línuna. Ef það þarf að snúa formunum er það gert með því að smella músinni á formið þegar það er komið á sinn stað.

Gera eins mynd með því að sækja form sem eru fyrir ofan rammana og setja á réttan stað í auða rammann. Þegar snúa þarf þríhyrningi er smellt á hann með músinni eftir að hann er kominn á sinn stað. Búðu til þitt eigið mynstur. Veldu liti með því að smella á litaúrvalið áður en þú færir formin.